Gedichte Über Erkenntnisse - Seite 89

Wer's ganze Johr lang fleißisch schafft
unn erhalte will sei Schaffenskraft,
braucht aa zum Feire mol en Grund,
dann Frehlichkeit, die halt gesund.
Drum nemmt sich am End vum Johr
e Frauegrupp e Feschtche vor,
beschtellt en schääne Weihnachtsschmaus
ins derfliche Gemeinschaftshaus.
Ach, was warn des schääne Platte,
wo mer do geliwwert hatte:
Brooteflääsch unn aa Salat,
zwää Flasche Dressing stehn parat,
de Nachtisch war aa net vergesse -
halt so e richtich Feschddagsesse!

Die Fraue decken schää de Disch
unn lossen alles schmecke sich.
Äänie schnappt en Deller mit Salat
unn denkt sich, doch nemm ich grad,
weil ich mag kää Kräuters0ß,
es anner Dressing, kräuterlos.
Sie schitt sich's an ehr Griezeich draa
unn fangt aa glei zu esse aa.
Doch der Geschmack..., s'war net ganz klar,
was des fer e Dressing war.
Sie ruft die Freundin zum Prowiere,
zu zwätt duun se dann simmeliere:
uff jeden Fall schmeckt des exotisch,
vielleicht macht's jo aa erotisch...
En annre Gschmack mol am Salat,
des find mer äfach delikat!

Weiter geht's dann zum Dessert,
die zwää ziehn sich die Schissel her
unn gucken dann schun leicht belämmert,
weil ihne langsam ebbes dämmert:
plötzlich werd denne Mädels klar,
dass's Dressing zwo Vanillsoß war!!!
Vanillesoß duud mit roter Grütze
erscht em Gaume ebbes nitze;
doch mit Salate kombiniert
war's wohl net richtisch investiert!
Ich denk des duud ne kenner neide -
unn iwwer Gschmack losst sich net streite!

Die Zeit

Es gäbe so viel zu berichten
Aber
wo fängt man an
Und
wo hört man auf
Man könnte
die Welt ablichten
Bewegt von der Vergangenheit berichten
Die Zukunft ausspionieren
Die Gegenwart gänzlich ignorieren
Einfach mal in den Tag hineinleben
Jedoch
irgendwann
wird man wieder aufwachen
Und dann
Und dann
fängt das Desaster
wieder von vorn an

© Käte Micka



Käti Micka