Sia will

Sia will

©Hans Hartmut Karg
2018

Sia will sei Weible bleiba
Ond ja nix anders dreiba.
Doch muaß sia koffa ganga
Gloider gäara a'langa.

Sia muaß o emmr g'schoba
Ond iare Schnäbbla loba.
Sia kofft se gäara Neies –
Schea macht sia hald nuar Neies!

Ond dann muaß sia o reeda,
Earm Ma heronderbeeda,
Wass sia billig eikofft,
Womid sia Lob erhofft.

Däar will sei Rua em Herza,
Hod manchmol Gelengschmerza,
Doch häard äar gäara leible
Dia Stimme von seim Weible.

Iarn Ma freid des nadiearle,
Äar hold se dann a Biarle,
Denn wenn offa däar Mund,
Bleibad dia zwoi o g'sund.

*