Do kaaschd abr nix macha

Do kaaschd abr nix macha

Hoschd a Läba lang schwäar g'schaffd
Ond hoschd Dei Kendr groaßzoga,
Diar nix gönnd ond emmr nuar g'raffd,
Abr bischd guad blieba - ond nedd g'loga.

Doch iazd, wo alles wonderbar isch,
Do muaß Dei Froole fria stärba.
Iazd hoggsch alloi am läara Disch,
Kaasch koi Gligg nemme ärba.

Dei Kendr gangad iare oigene Wäg',
Du mergsch, Dei Froo fähld diar säar.
Alloi muaschd iazd em Beddle läge
Und jeden Dag wird die Herzle schwäar.

Do kaaschd abr nix macha,
Des Läba godd hald emm'r weidr.
Iazd gibds wene fiar di zom lacha
Ond Nochsenna machd o nedd heidr...


©Hans Hartmut Karg
2023

*