Ik will to Kur (Plattdüütsch)

Ik will to Kur (Plattdüütsch)

Mi geiht dat nich goot, ik heff dat in Rüggen
Dat is eene Not, ik kann mi nich bücken
Ik müt noch hüüt, to mien Dokter Lüth
Ik segg gooten Daag
He nickt mit`n Kopp un lacht
He seggt nu vertell, nu wies mi de Stell
Ik treck min Büx ut, ik steck mien Mors ruut
He grient ganz leef, Mensch du büst jo ganz scheef
Jo mien Krüüz deiht ok weh
Ik will an de See
Dor gifft dat een Bad,dat is ne ganz schööne Stadt
Dor kann man goot kuren
Dor bruug man bloot up dat Eeten to luurn
He seggt is okee, du fohrst an de See
Ik segg Dokter Lüth, kann mien Fro ok mit
Se meent de Froonslüüd dor, gahn mi foorts an de Swoor
De sind dor all so nett, un se krabbeln all glieks to mi in dat Bett
De Dokter överleggt nich lang
He seggt keene Bang
De hebbt dat all in Rüggen, de kümmt all op Krüggen
Mien Olsch is tofreden , un gifft mi ehrn Seegen
Nu will ik bloot hoopen
Dat dor Eene wenigstens kann fix lopen

© Käte Micka




Käti Micka