Es schneibld a weng

Es schneibld a weng

Es schneibld a weng,
D'Wasaflächa send scho weiß.
Ma kommd iazd schwäar end Gäng,
Alles isch hoimle ond leis.

Do guggd ma gäara zom Feeschdr naus,
Däar Kachlofa wärmd d'Schdubb.
Ma verlosst nemme gäara s'oigene Haus,
Issd do liaber sei oigena Subb.

Ond Musi ischd oo so feierle,
Ma häard Bach, Mozart ond da Händl,
D'Vanillekipfla schmeggad, am Moierle
Hoggd a Weinachtsma mit Sack ond Bendl.

I maag dia wonderliabe Wendrzeid
Em warma, so hoimle Zemmr,
Dean Käarzaduft, weil wir doch no bereid
Midd deam Herz säad dean Glemmr.


©Hans Hartmut Karg
2023

*