Ostfreesenwitz

Ostfreesenwitz van 1962
In dat ganze dütsche Land is Ostfreesland woll bekannt.
Dorbi is dat gar kein Wunner, denn Land up un ok Land runner,
ja, sogar uns lütje Fritz vertellt all een Ostfresenwitz.
In Illustrierten kann man lesen, hundert Witze van Ostfreesen.
Ut Fernsehen un van Radio Bremen, hört man wo Ostfreesen sük benehmen.
Ja, dat is neet to glöben, un dat all mörgens kört na söben.
Erst Werbung övert Gummilitz, un dann kummt een Ostfreesenwitz.
De Mann dor an de Mikrofon, de nimmt dorför ok noch Lohn.
Mit Vörnam het he Friedrich Peter, laat hum gewähren, he weet neet beter.
Doch wie hier vant Ostfreesland, lacht mit, dat is doch woll bekannt.
Wart uns dat faken ook tau dumm, wie nehmen dat noch neet mal krumm,
denn blot well sülms een Dummkoop is, makt up anner Kosten gern sein Witz.
De uns Heimat is bloot ut de Witz bekannt, de laat wie in, in`t Ostfreesenland,
Woor achtert Diek zischt witt de Gischt un wor een Wort noch gelt vör´n Unnerschrift.
Dor ward de Haart weer jung, de annes olt, dat magt de Reine Luft mit önnig Sold
Good jie mit rode Wangen weer na Hus, denkt jie noch faak ant Störmgebrus.
Jie denkt noch an uns Lütje Fritz uno ok an sien Oostfreesenwitz.
Bestimmt bünt jie dann neet de Letzten, de seggt: „In Ostfreesland ist am besten.
Rolf Grebener