Ich gloob ich bleiwe Heeme

Ich gloob ich bleiwe Heeme
von Manja Dietrich

Ich gloob ich bleiwe Heeme.
Ich hab so galde Beene.

Un door Alde kimmt mid janz gabudden Latschen
durch de Bude tud dor och noch hatschen.

Ich saache nüscht und gugge och nich hin
un im Lotto hammer widder geen Jewinn.

Un glingeln tuds, ich gloob ich spinne,
jetzt steht och noch dor Gumbel in dor Bude drinne.

Unnerm Arm tudors Bier schon halden,
een zischen willor midden Alden.

Na das gann ja heidor un och späder wern,
doch de Stimmung will ich och nu nich verderm.

Ich zieh mir noch baar warme Strümpe an,
bleiwe Heeme un hau ab ins Bedde irchenwann.